Пахтаобод туманидаги 462-сайлов участкасига Андижон вилояти ҳокими Шуҳратбек Абдураҳмонов биринчилар қаторида оила аъзолари билан овоз бериш учун кириб келди. Кекса ёшдаги отахонлар дуосидан сўнг вилоят ҳокими бу йилги сайловлар шаффофлик ва ошкоралик руҳида ўтаётгани, фуқароларнинг ҳуқуқий маданияти ўсиб бораётгани хақида гапирди. Ўз навбатида бугун сайланадиган депутатлар Ўзбекистонни янада ривожланиши, келажаги учун хизмат қилишлигини билдирди.

Ҳар бир ишда андижонликларга ўрнак бўлаётган вилоят раҳбари биринчилар қаторида овоз берди. Бундан руҳланган сайловчилар ҳам ўзларининг фуқаролик бурчини бажаришга киришдилар. Улар орасида биринчи бор овоз бераётган ёшлар ҳам бор. Муҳими, ҳар бир фуқаро “Янги Ўзбекистон, янги сайловлар” шиори остида ўтаётган сиёсий жараёнга фаол муносабат билдирмоқда. Бу ҳам андижонликларнинг ташаббускорлиги ва фаоллигининг ифодаси