янгиликлар бўйича излаш
МАЪЛУМОТ
Фотогалерея
МСК РАИСИ ТУРКМАНИСТОН САЙЛОВ ВА РEФEРEНДУМЛАР ЎТКАЗИШ МАРКАЗИЙ КОМИССИЯСИ РАИСИ БИЛАН УЧРАШДИ
11.03.2022
1452
Ўзбекистон Республикаси Марказий сайлов комиссияси раиси Зайниддин Низомходжаев, Котибият раҳбари Худоёр Маматов ҳамда халқаро ҳамкорлик бўлими бошлиғи Муродилла Алимбаев 12 март куни Туркманистонда навбатдан ташқари ўтказиладиган Президентлик сайловларини кузатиш мақсадида Ашхобод шаҳрида бўлиб туришибди.
Бугун Туркманистон Сайлов ва референдумлар ўтказиш марказий комиссияси раиси Гулмурат Мурадов Туркманистонга Президентлик сайловида халқаро кузатувчи сифатида ташриф буюрган Ўзбекистон делегациясидан иборат ҳамкасблари билан учрашди.
Гулмурат Мурадов ўз ҳамкасбларини сайловнинг бориши, олиб борилаётган тайёргарлик ишлари, шунингдек, сайлов участкаларида хавфсизликни таъминлаш ва овоз беришни ташкил этиш бўйича кўрилаётган чора-тадбирлар ҳақида маълумот берди.
Шунингдек, суҳбат давомида томонлар Ўзбекистон ва Туркманистон ўртасида сўнгги йилларда амалга оширилаётган ижтимоий-сиёсий, маданий ва яхши қўшничилик алоқаларида эришилаётган ютуқларни муҳокама қилиб ўтишди.
Улашинг
