5 кунлик ўқув семинарлари давомида иштирокчи давлатлар вакиллари сайловларни кузатишнинг демократик тамойиллари хусусида ахборот олишади. Шунингдек иштирокчилар ЕХҲТ ДИИҲБ кузатувчилар миссиясининг мақсад ва вазифалари, сайлов жараёнларида халқаро кузатувчиларнинг роли, узоқ муддатли кузатувчиларнинг сайлов жараёнларини кузатиш босқичлари, сайловларни кузатиш тизими, қисқа муддатли кузатувчиларнинг вазифалари, ЕХҲТ ДИИҲБ одоб-ахлоқ қоидалари ва халқаро ҳуқуқ нормалари бўйича билимларини оширишади. 

Ўқув семинарини тамомлаган иштирокчилар дунёнинг турли бурчакларида ўтказиладиган сайловларда ЕХҲТ ДИИҲБ кузатув миссияларида иштирок этади. Марказий сайлов комиссияси Матбуот котиби М.Алимбаев ЕХҲТ ДИИҲБ нинг ушбу курсида иштирок этмоқда.