O‘zbekiston Respublikasi

Markaziy saylov komissiyasining qaror

 № 1146                                                      2021-yil 07-oktabr

O‘zbekiston Respublikasi Prezidenti saylovida xorijiy davlatlar va xalqaro tashkilotlardan qatnashadigan kuzatuvchilarni akkreditasiya qilish to‘g‘risida

O‘zbekiston Respublikasi Saylov kodeksining 8, 14, 16 va 33-moddalari hamda O‘zbekiston Respublikasi Markaziy saylov komissiyasining 2019-yil 19-sentabrdagi 938-son qarori bilan tasdiqlangan O‘zbekiston Respublikasi saylovlarida xorijiy davlatlar va xalqaro tashkilotlardan qatnashadigan kuzatuvchilar to‘g‘risidagi nizomga muvofiq, O‘zbekiston Respublikasi Tashqi ishlar vazirligining taqdimnomalariga asosan O‘zbekiston Respublikasi Markaziy saylov komissiyasi qaror qiladi:

1.2021-yil 24-oktabrda bo‘lib o‘tadigan O‘zbekiston Respublikasi Prezidenti saylovida xorijiy davlatlar va xalqaro tashkilotlardan qatnashadigan kuzatuvchilar ilovaga muvofiq akkreditasiya qilinsin.

2.O‘zbekiston Respublikasi Markaziy saylov komissiyasi Kotibiyati Xalqaro xamkorlik bo‘limi boshlig‘i (B.Ismoilov) akkreditasiya qilingan xorijiy davlatlar va xalqaro tashkilotlar kuzatuvchilariga belgilangan namunadagi mandatlar tayyorlanishini hamda ularga topshirilishini ta’minlasin.

3.Mazkur qaror O‘zbekiston Respublikasi Markaziy saylov komissiyasining rasmiy veb-saytida e’lon qilinsin.

4.Mazkur qarorning ijrosini nazorat qilish O‘zbekiston Respublikasi Markaziy saylov komissiyasi raisining o‘rinbosari B. Kuchkarov zimmasiga yuklatilsin.

Rais                                                                                   Z. Nizamxodjayev

ILOVA