O‘zbekiston Respublikasi

Markaziy saylov komissiyasining qarori

№ 1182                                                    2022-yil  20-iyul

Referendum o‘tkazuvchi komissiyalar a’zoligiga nomzodlarning malakasini oshirish bo‘yicha ikkinchi bosqich seminar-treninglar muddati to‘g‘risida

“O‘zbekiston Respublikasining referendumi to‘g‘risida”gi Qonunning 18-moddasi va O‘zbekiston Respublikasi Saylov kodeksining 16-moddasiga muvofiq, O‘zbekiston Respublikasi Markaziy saylov komissiyasi qaror qiladi:

1. O‘zbekiston Respublikasi Markaziy saylov komissiyasining 2022-yil 28-iyundagi 1173-son qarori bilan tasdiqlangan Referendum o‘tkazuvchi komissiyalar a’zolarining malakasini oshirishni tashkil etish Konsepsiyasi ikkinchi yo‘nalishining ikkinchi bosqichi belgilangan seminar-treninglar referendumni tayinlash to‘g‘risidagi qaror e’lon qilinganidan keyin 20 kun ichida o‘tkazilsin.

2. Mazkur qaror O‘zbekiston Respublikasi Markaziy saylov komissiyasining rasmiy veb-saytida e’lon qilinsin.

3. Mazkur qarorning ijrosini nazorat qilish O‘zbekiston Respublikasi Markaziy saylov komissiyasi raisining o‘rinbosari B. Kuchkarov zimmasiga yuklansin.

Rais                                                                             Z. Nizamxodjayev