O‘zbekiston Respublikasi

Markaziy saylov komissiyasining qarori

№ 1224                          2023-yil 5-aprel

O‘zbekiston Respublikasining referendumida xalqaro tashkilotlar va xorijiy davlatlardan qatnashadigan kuzatuvchilarni akkreditatsiya qilish to‘g‘risida

“O‘zbekiston Respublikasining referendumi to‘g‘risida”gi O‘zbekiston Respublikasi Qonunining 8, 9 va 18-moddalariga, O‘zbekiston Respublikasi Markaziy saylov komissiyasining 2022-yil 13-iyuldagi 1177-son qarori bilan tasdiqlangan O‘zbekiston Respublikasining referendumida xorijiy davlatlar va xalqaro tashkilotlardan qatnashadigan kuzatuvchilar to‘g‘risidagi nizomga muvofiq hamda O‘zbekiston Respublikasi Tashqi ishlar vazirligining taqdimnomasiga asosan O‘zbekiston Respublikasi Markaziy saylov komissiyasi qaror qiladi:

1. 2023-yil 30-aprelda bo‘lib o‘tadigan O‘zbekiston Respublikasining referendumida xalqaro tashkilotlar va xorijiy davlatlardan qatnashadigan kuzatuvchilar ilovaga muvofiq akkreditatsiya qilinsin.

2. O‘zbekiston Respublikasi Markaziy saylov komissiyasi Kotibiyati Xalqaro xamkorlik bo‘limi boshlig‘i (A.Nurmuxamedov) akkreditatsiya qilingan xalqaro kuzatuvchilar uchun belgilangan namunadagi mandatlar tayyorlanishini hamda ularga topshirilishini tashkil etsin.

3. O‘zbekiston Respublikasi Markaziy saylov komissiyasining 2023-yil 31-martdagi 1220-son qarori bilan akkreditatsiya qilingan Yevropada xavfsizlik va hamkorlik tashkilotining Demokratik institutlar va inson huquqlari byurosining uzoq muddatli kuzatuvchisi Vladishevskiy Feodosiyning vakolati tugatilsin hamda unga Markaziy saylov komissiyasi tomonidan berilgan 022 raqamli mandati bekor qilinsin.

4. Mazkur qaror O‘zbekiston Respublikasi Markaziy saylov komissiyasining rasmiy veb-saytida eʼlon qilinsin.

5. Mazkur qarorning ijrosini nazorat qilish O‘zbekiston Respublikasi Markaziy saylov komissiyasi raisining o‘rinbosari B. Kuchkarov zimmasiga yuklatilsin.

Rais                                                                     Z. Nizamxodjayev

ILOVA