Universitetning xalqaro munosabatlar bo‘yicha prorektori V.Panova bilan bo‘lib o‘tgan muloqotda ushbu oliy bilim yurtida tahsil olayotgan O‘zbekiston fuqarolarining mamlakatimiz Prezidenti saylovida ishtirok etishi uchun sharoit yaratish bilan bog‘liq masalalar muhokama etildi.

O‘zbekistonlik talabalar bilan bo‘lib o‘tgan uchrashuv chog‘ida esa Bosh konsulxona amalga oshirilayotgan ishlarning mazmun-mohiyati, mamlakatimizda ro‘y berayotgan ijtimoiy-siyosiy o‘zgarishlar, xususan, yoshlar uchun yaratib berilayotgan keng imkoniyatlar to‘g‘risida atroflicha fikr yuritildi.

Shuningdek, Primorsk o‘lkasida bo‘lib o‘tadigan O‘zbekiston Prezidenti saylovida muddatidan oldin ovoz berish tartibi va ko‘chma saylov uchastkalari, siyosiy partiyalardan Prezidentlikka ilgari surilgan nomzodlarning saylovoldi dasturlari to‘g‘risidagi ma’lumotlar taqdim etildi.

Uchrashuvda o‘zbekistonlik yigit-qizlar saylovda faol ishtirok etishga chaqirildi, ular tomonidan berilgan barcha savollarga batafsil javob qaytarildi.