Ushbu yig’ilishda Assotsiatsiya raisligini Filippin saylov komissiyasidan Rossiya Federatsiyasi MSKga o’tkazish, global pandemiya davrida saylovlarni tashkillashtirish, saylov jarayonlarini boshqarishda zamonaviy menejment texnologiyalarini ko’rib chiqish hamda Assotsiatsiyaning 2022-2023-yillarga rejalashtirgan ish rejasini tasdiqlash masalalari ko’rib chiqiladi. 

Yig’ilishda Assotsiatsiya rahbariy organlarini saylash masalasi ham kiritilgan bo’lib, unda Assotsiatsiya Raisi, rais o’rinbosari va 5 ta to’liq huquqli a’zolari saylandi. Assotsiatsiya nizomiga ko’ra (3.5.4-modda) hududiy-geografik mintaqalarning har biridan 2 nafardan vakil Assotsiatsiya a’zoligiga saylandi. Assotsiatsiya rahbariy organining vakolat muddati 2 yil. 

Shuningdek MSK Rais o’rinbosari 9 may kuni Filippinda o’tkazilishi rejalashtirilgan Filippin Umummilliy saylovini ham kuzatadi. Filippinlik 65.7 million saylovchi keyingi 6 yillik uchun mamlakat rahbarlarini saylaydi. 

Filippin Umummilliy saylovlarida saylovchilar: Prezident, vitse-prezident, senatorlar, vakillar uyi a’zolari, gubernator, vitse-gubernator, Kengash a’zoligi, shahar hokimi, vitse-shahar hokimi, Mahalliy Kengash maslahatchilari va proporsional tartibda partiyalarga ovoz beradilar.