Марказий сайлов комиссиясининг 2022 йил биринчи ярим йиллигига мўлжалланган иш режасига мувофиқ ишчи гуруҳ томонидан Сурхондарё вилояти Халқ депутатлари вилоят (шаҳар ва туман) Кенгашларига сайлов ўтказувчи сайлов комиссиялари томонидан Сайлов кодекси нормаларининг бир хилда қўлланилиши ҳамда маҳаллий Кенгашларнинг бўшаб қолган ўринларга сайловларни ташкил этиш ва ўтказиш амалиёти ўрганилди. Шунингдек, ишчи гуруҳи аъзолари вилоятга ажратилган сайлов жиҳозларининг сақланиш ҳолатини ҳам кўриб чиқдилар.

Ўрганиш натижалари бўйича сайловларни ташкил этиш ва ўтказиш, сайлов жиҳозларини сақланиши таъминлаш ҳолати тегишли сайлов комиссиялари аъзолари, маҳаллий ҳокимликларнинг мутасадди вакиллари билан биргаликда таҳлил қилинди,аниқланган камчиликларни бартараф этиш чоралари кўрилди ҳамда уларга услубий ва амалий ёрдам кўрсатилди.

Режага асосан ишчи гуруҳи ўз фаолиятини Қашқадарё вилоятида давом эттирмоқда.