Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлигига сайловларда кузатувчи сифатида иштирок этаётган Туркий тилли давлатлар ҳамкорлик кенгаши Парламент Ассамблеяси кузатув миссияси вакили Анор Раҳимов ЎзА мухбирига интервью берди.

– Делегациямиз 19 декабрь куни Ўзбекистонга келган эди, – деди А.Раҳимов. – Жойларда сайлов бўйича амалга оширилган ишлар ишлар билан танишдик.

Бугун кун бўйи сайлов участкаларидаги жараёнларни кузатиб бордик. Очиғини айтсак, аҳолининг бундай сиёсий жараёнларни байрамона кайфият билан қарши олаётгани бизга манзур бўлди. Сайловда имконияти чекланган фуқаролар ҳам фаол иштирок этмоқда. Уларга яратилган шароит муҳим аҳамиятга эга. Сайловчилар ягона электрон рўйхатининг жорий этилгани фуқароларга ҳар томонлама енгиллик яратади.

А.МУСАЕВ, ЎзА