Андижон шаҳридаги 61-сайлов участкасига кириб келаётган сайловчиларни биринчи бор сайловда иштирок этаётган ёшлар кутиб олмоқда. Бу жараённи ўзига хос байрамга айланганлигини кўрсатади. 2184 нафар сайловчиларнинг кўпчилиги соат 8.00 да Давлат мадҳиясини биргаликда ижро этдилар. Шундан сўнг биринчи навбатда кекса ёшдаги отахон ва онахонлар озов беришга таклиф этилди. Улар номзодлар билан ўтказилган учрашувларда ўз хулосасига эга бўлган.

  -Очиғи, юртдошларимизни бу қадар масъулият билан бугун ўз муносабатини билдираётганлигидан хурсандман,-дейди меҳнат фахрийси Жанона Мамадалиева.-Кекса она сифатида ҳам кўнглим хотиржам. Сабаби, фарзандларимиз юрт келажагига дахлдорлик ҳиссини тушуниб, муносиб номзодларга овоз беряптилар. Эрталабда оиламиз билан биз ҳам биринчилар қаторида сайловга чиқдик. Уч нафар набирам биринчи бор овоз бераётганидан хурсанд. Онахон таъкидлаганича бор. Сайловчиларнинг юзларида қувонч, эртанги кунга ишонч туйғулари мужассам. Бу демократик ривожланиш йўлидаги Ўзбекистоннинг келажаги порлоқ эканлигини кўрсатмоқда.

 Зумрадой СОЛИЕВА. Андижон.